Maak dié sag, sappige en romerige hoenderborsies
Min dinge kom by sag en sappige hoendervleis. Voeg dan ’n lekker romerige sous by en jy het ’n absolute wenner.
HOENDERBORSIES MET ROOMSOUS
Genoeg vir 4
BESTANDDELE
4 hoenderborsies (been- en velloos) Sout en varsgemaalde swartpeper na smaak 3 eetlepels botter 3 eetlepels olie 60 ml hoenderaftreksel 150 ml room
METODE
1. Gebruik jou hande en volg die natuurlike vloei van die hoenderborsie om dit in twee te verdeel. Jy het nou 8 stukke – 2 vir elke porsie.
2. Plaas elke stuk tussen 2 lae kleefplastiek en slaan liggies met ’n vleishamer om dit mooi eweredig en dun te kry. Geur die borsies met sout en peper.
3. Verhit die olie en botter in ’n groot pan en braai die borsies in sarsies alkant mooi goudbruin. Hou eenkant warm.
4. Giet die aftreksel in die warm pan en sorg dat jy al die stukkies in die pan mooi bymekaarskraap en meng met die aftreksel. Voeg die room by en kook tot jy ’n lekker dikkerige karamelbruin sous het. Plaas die borsies op ’n plat opdienbord en giet die sous bo-oor.