wat gebeur met my liggaam?
Ons gaan almal die een of ander tyd deur puberteit en dit kan baie verwarrend wees. Sorg dus dat jy weet watter veranderings met jou liggaam gaan plaasvind sodat jy dié moeilike tyd kan oorkom.
puberteit is ’n vreemde, snaakse, ongemaklike, dog opwindende tyd in ’n jongmens se lewe. Die een oomblik is hulle gelukkig en optimisties oor alles, maar as jy weer sien, gooi die kleinste dingetjie hul hele lewe omver. En al is hulle soms skaam om dit te erken, weet diegene van ons wat al puberteit oorleef het, wat om te blameer – hormone!
Eenvoudig gestel, is puberteit ’n stadium van ’n jongmens se lewe waarin hulle fisiek en emosioneel baie vinnig op pad is na volwassenheid. Gedurende hierdie stadium van hul lewe ondergaan hul liggame vinnig fisieke en hormoonveranderinge wat hulle voorberei vir voortplanting en geboorte. Puberteit is buite ’n mens se beheer en daar stroom hordes hormone deur die bloedstroom, wat jongmense se liggame dwing om te verander.
Die duidelikste verandering tydens puberteit, is dalk die feit dat tieners skielik vinnig groei. Die probleem is dat nie al hul liggaamsdele ewe vinnig groei nie. Maar wees verseker dat dinge mettertyd wel sal regkom. ’n Aantal ander fisieke veranderings vind ook plaas tydens puberteit.
Hare groei onder die arms, rondom die geslagsdele en op die gesig Geslagsorgane word groter Stem verander (word dieper) Onwillekeurige ereksies en nagtelike masturbasie en ejakulasie (wet dreams)
Hormone is spesiale chemiese boodskappers in die liggaam wat geskep word in die endokrienekliere. Hierdie boodskappers beheer die meeste groot liggaamlike funksies, van eenvoudige basiese behoeftes soos honger wees tot komplekse stelsels soos voortplanting en selfs die emosies en gemoedstoestand.
Estrogeen is vir vroue die belangrikste geslagshormoon. Dit veroorsaak puberteit, berei die liggaam en baarmoeder voor vir swangerskap en dit reguleer die menstruele siklus.
Testosteroon is die belangrikste geslagshormoon in mans. Dit veroorsaak puberteit, verhoog beendigtheid, stimuleer haargroei op die gesig en vermeerder spiermassa.