Wenke wat werk

Hier is raad vir bros naels, lighoofdigheid, sweterige voete en wenke met kondome.

Gebruik ’n tandeborsel om onbereikbare plekkies, soos rondom potte se ore en gleufies van plastiekdeksels te skuur. LEONIE WILLIAMS, ELSIESRIVIER

’n Goeie manier om ’n tafel met skroewe te vervoer en om seker te maak jy verloor nie die skroewe nie, plak die skroewe met masking tape onderaan die poot of die tafel vas. Dit bly veilig en dan weet jy waar dit is. DESIRÉ FISHER, JOHANNESBURG

Beskerm jou glase wanneer jy dit was deur ’n afdroogdoek in die wasbak te plaas en jou glase dan daarop te pak. Dit dien as ’n beskermende laag en dit absorbeer die water. M. MODIBA, MONTAGU

Draai rubberrekkies om die punte van plastiekhangers om te keer dat klere afgly. JEANETTE DE BEER, VREDENDAL

Bespaar water deur jou stort se water op te vang. Gebruik dit om jou toilet te spoel. JOLAND LINKS, KUILSRIVIER

As jy nie salf vir jou wonde het nie, meng ’n stukkie fyngekapte ui met sout en sit dit op die wond met watte of ’n gaaslappie. MARETHA EBRAHIM, SIMONDIUM

As jy nie chutney het nie, meng ’n bietjie asyn en rissiepoeier met appelkooskonfyt. HESTER WESSELS, VANDERBIJLPARK

As jy vinnig avokadopere reg wil hê, skil dit af, maak fyn, voeg 1 teelepel suurlemoensap by en meng goed. Skep in ’n ziploc-sakkie, plaas indie vrieskas en gebruik soos benodig. MONICA RICHARDS, BLUEDOWNS

Hou leë margarien-bakkies oor jou groente as jy dit kook. Só stoom jy al die oorblywende margarien in die groente. SUE THERON, PRETORIA

Moenie jou ou Crocs weggooi nie. Plant vetplantjies daarin in jou tuin. Jy hoef nie eens gaatjies te maak nie. ERIKA LOTRIET, GRAAFWATER

Sit weggooibare rubberhandskoene aan as jy geelgroente soos pampoen, wortels ens. skil. Só bly jou hande skoon. LORRAINE MALAMBO, RETREAT

Om water te bespaar, laat jou wasmasjien se water in ’n emmer of in die bad uitloop. Skep dit uit en gebruik dit om die toilet te spoel. BOBBY OLIVIER, BRACKENFELL

As jy skroewe met ’n skroewedraaier in hout moet draai, dip eers die skroef in seep; dit sal dan maklik indraai. CHRISTO DRAAI, EERSTERIVIER

Sit aartappels in ’n sakkie en dan in die microwave om gouer gaar te word. FRANCIS MOSTERT, MITCHELLS PLAIN

As jou pennetjies te min is vir jou haarrollers, gebruik dan toothpicks om dit in plek te hou. BETTIE KASTNER, STILBAAI