Ver­tel vir An­tie Val

Sukkel jy met jou lief­des­le­we? Hier is raad.

Kuier - - SEKS -

Vraag VUILTAAL IN DIE KOOI

Ek en my nu­we ou gaan nou al ses maan­de uit. Hy is so or­dent­lik en ek is ver­sot daar­op, maar ek sukkel om se­ke­re din­ge reg te kry in die bed. Hy is baie goed, maar wei­er om vuil met my te praat. Ek hou baie daar­van en het dit baie met my vo­ri­ge ou ge­doen. Ek mis dit, want dit hits my lek­ker aan en ek ge­niet dit. Hy dink dit is stu­pid, maar ek is erg daar­oor. Hoe­kom wil hy dit nie doen nie? Dit maak my seer dat hy nie eens wil pro­beer nie. Hy wor­ry nie as ek dit doen nie, maar hy wil nie deel­neem nie. SOEK MEER

Ant­woord BES­TE SOEK MEER

Soos elke ver­hou­ding ver­skil, só ver­skil ons ook as mens. Dit is nie reg­ver­dig van jou om te ver­wag jou hui­di­ge ou sal van die­self­de goed hou as jou vo­ri­ge ou nie. Ek dink hy het dit net nooit van­te­vo­re be­oe­fen nie en nou dink hy hy sal sim­pel klink en ’n fool van hom­self maak. Al stop hy jou nie, kan dit hom dalk on­ge­mak­lik maak. Doen dit vir ’n week of twee nie en dan be­gin jy weer. Dalk mis hy dit en sal dit dan self wil pro­beer. Maar moet net nie te veel ver­wag nie. Jy sê self hy is goed vir jou, so moet dit nie on­no­dig be­derf nie.

Vraag OUWIL NOG ’N BA­BA HÊ

An­tie Val, my ou wil nog ’n kind hê. Hy sê twee is te min, so hy soek nog ’n seun wat sy naam kan dra. Ek is werk­loos, so hy voel ek kan na nog ’n ba­ba kyk. Daar is nou skaars geld vir nap­pies, maar hy sê ek kan mos ’n grant kry wat sal help. Ek wil reg­tig nie weer ’n ba­ba hê nie, want ek wil gaan werk soek so­dra die jong­ste een ’n bie­tjie gro­ter is. Ek het ma­triek en kan ad­min doen. Hy sê ek is vol non­sens en wil my los vir ie­mand an­ders wat hom ’n seun kan gee. Moet ek dit doen om hom te hou? EK DINK LOGIES

Ant­woord BES­TE EK DINK LOGIES

Ag nee! Dit klink as­of jy jou­self in ’n groot ge­mors van ’n ver­hou­ding be­vind. Hoe kan die man dreig om jou te los om­dat hy ’n kind wil hê en dan won­der jy of jy dit moet aan­vaar? As hy nou al van an­der vroue praat, dan is hy lank­al nie so eer­lik nie. Ek dink hy is on­no­dig. Mens weet nooit hoe din­ge gaan uit­werk nie. Jy klink nog jonk en dalk la­ter, as dit al­bei van jul­le se wens is om nog kin­ders te hê, kan jul­le weer pro­beer. Ek wil jou ook net sê dat jul­le nie die ge­slag van die vol­gen­de kind kan waar­borg nie. Wat as dit weer ’n mei­sie is? Sal hy dan weer wil pro­beer om ’n seun te kry? Mens moet eint­lik te­vre­de wees met wat God jou gee. An­der men­se smag na ’n ba­ba van hul eie en jul­le het reeds twee. Die le­we is so duur en ’n mens kan nie op geld van die staat staat­maak nie. Dit is eint­lik baie on­reg­ver­dig. Jy wil gaan werk om ’n in­kom­ste te ver­dien om vir jou kin­ders te sorg. Jy sal erns­tig jou voet moet neer­sit, al be­te­ken dit jy ver­loor jou ou. Jy kan nie jou­self in die voet skiet en dit oor ’n man nie. As jy my vra, klink hy som­mer on­re­de­lik en dwars.

Vraag HY IS HAAR DROOMOU

Ek is ver­lief op my nig­gie se neef en hy hou ook van my. Hy is van haar ma se fa­mi­lie en my pa en haar pa is broers. So hy is niks van my nie, maar my nig­gie hou vol hy is ook my fa­mi­lie. Moet ek nou die ding los of is ons mal? Hy dra my op die han­de en ek het nog nooit ie­mand ont­moet met sul­ke mooi ma­nie­re nie. Hy is werk­lik my droomou. SMOOR­VER­LIEF

Ant­woord BES­TE SMOOR­VER­LIEF

Dit klink won­der­lik! Ek is so bly daar is op­reg­te mans daar bui­te wat nog ’n vrou goed kan laat voel. Dit klink nie as­of jul­le fa­mi­lie is nie, maar ek ken nie al die fei­te nie. Hoe­kom vra jy nie jou ou­ers nie? Hul­le be­hoort din­ge in per­spek­tief te kan sit en dan hoef jul­le nie te be­spie­gel nie. Dalk is jou nig­gie net ’n bie­tjie ja­loers. Sy is dalk bang om jul­le al­bei aan me­kaar te ver­loor. Soos ek voor­ge­stel het, moet jul­le lie­wer eers jul ou­ers be­trek en die reg­te fei­te by hul­le kry. Ek hoop van har­te din­ge werk vir jul­le uit.

Newspapers in Afrikaans

Newspapers from South Africa

© PressReader. All rights reserved.