VER­WERK DIE SEER VAN ONTROUHEID

Jou maat het jou ver­neuk en jy is ten gron­de. Maar jul­le kán saam jul ver­troue en ver­hou­ding her­stel.

Kuier - - KUIERCOACH - DEUR ANDELINE WIL­LI­AMS-P­RE­TO­RI­US

As jy uit­vind jou maat was on­trou, sit jy nie net met die seer, te­leur­stel­ling

en ver­troue wat ge­skend is nie. Jy loop ook die ge­vaar dat jou self­beeld groot ska­de kan ly.

Vir men­se wat hul­self in ’n ver­hou­ding be­vind waar hul maat ge­reeld on­trou is, kan die moont­li­ke ska­de aan hul self­beeld baie er­ger wees. Jy won­der of jy die ver­hou­ding of hu­we­lik moet be­ëin­dig en of jy moet bly om die pro­bleem uit te sor­teer.

Daar is ook ge­woon­lik self­ver­wy­te wat jou laat won­der of jy dalk die een is wat jou maat na ie­mand an­ders toe ge­dryf het. Jy won­der ook of jy goed ge­noeg is of lyk. En selfs wan­neer jy weet dat jy jou bes­te doen, won­der jy of daar nie nóg iets is wat jy móét of kán doen nie.

In ver­hou­dings is paar­tjies ver­on­der­stel om te kom­mu­ni­keer – ver­al as die een voel hy/sy kry nie wat hul be­no­dig of ver­dien nie. Só kan paar­tjies ’n eer­li­ke ge­sprek voer son­der kwa­de ge­voe­lens of ver­wy­te.

Ver­wy­te en har­de woor­de word ge­woon­lik deel van die prent­jie wan­neer paar­tjies on­ge­luk­kig is oor iets, maar lie­wer stil­stui­pe kry. Ontrouheid is nie ’n gel­di­ge ver­sko­ning vir goed wat ver­keerd is in jou ver­hou­ding nie; so moe­nie jou­self vir jou maat se ontrouheid bla­meer nie – ver­al nie wan­neer daar nie met jou ge­kom­mu­ni­keer was oor moont­li­ke ver­an­de­rin­ge wat jy moet oor­weeg nie. RE­DES OM TE BLY OF SKEI Daar is ’n he­le paar re­des hoe­kom som­mi­ge par­tye be­sluit om in hul ver­hou­ding te bly na­dat hul maat hul ver­neuk het. Baie men­se bly ter wil­le van die kin­ders; an­der bly om­dat hul­le bang is vir al­leen-wees.

Daar is ook fi­nan­si­ë­le re­des waar die een par­ty fi­nan­si­eel af­hank­lik is van hul maat wat hul­le ver­neuk het. Die kerk en ge­loof speel ook ’n groot rol in som­mi­ge ge­val­le waar ’n man of vrou be­sluit om in hul ver­hou­ding te bly, ná hul­le keer op keer ver­neuk was. Wat vrien­de en fa­mi­lie oor die ver­brok­kel­de ver­hou­ding gaan sê, is ook soms ’n re­de hoe­kom baie men­se be­sluit om in hul ver­hou­ding te bly; selfs wan­neer daar nie eint­lik meer ’n ver­hou­ding is nie as ge­volg van al die seer.

Om te be­sluit om jou ver­hou­ding te be­ëin­dig, is nie ’n mak­li­ke een nie.

Ont­hou, daar ís iets soos ver­gif­nis en dit is moont­lik om aan jou ver­hou­ding te werk en dit te her­stel en selfs ’n be­ter ver­hou­ding te bou. Maar on­ge­ag of jy bly of skei, moet jy ook be­sin oor wat vir jou be­lang­rik is.

Newspapers in Afrikaans

Newspapers from South Africa

© PressReader. All rights reserved.