HOENDER-STIRFRY
Genoeg vir 4 BESTANDDELE Vir die hoender
2 hoenderborsies, in repies gesny 1 eetlepel maizena 1 eetlepel vars gemmer, gerasper 2 eetlepels bruinsuiker 1 eetlepel suurlemoensap 1 knoffelhuisie, gerasper ½ koppie sojasous ½ teelepels rissievlokkies
Vir die stirfry
2 eetlepels sonneblomolie 1 koppie wortels, in dun repies gesny 1 koppie rooi soetrissies, in repies gesny 1 koppie rooikool, in dun repies gesny 1 koppie knopiesampioene, gehalveer 1 ui, in dun ringetjies gesny 2 koppies vars of jongspinasie, gekap
Samestelling ’n Handvol vars dhanya 2 eetlepels sojasous 1 eetlepel heuning 2 koppies gaar eiernoedels METODE
Hoender: Plaas die hoender, maizena, gemmer, bruinsuiker, suurlemoensap, knoffel, sojasous en rissievlokkies saam in ’n bak en meng goed. Bedek en laat rus vir 20 – 30 minute. Stirfry: Verhit ’n wok of groot plat pan op hoë hitte. Voeg die olie by die pan en voeg dadelik al die voorbereide groente by. Roerbraai oor hoë hitte tot gaar, maar steeds krakerig. Skep die groente uit en hou eenkant. In dieselfde pan, braai die hoender ook oor hoë hitte tot goudbruin en gaar. Samestelling: Voeg die groente terug in die pan. Roer die noedels, heuning, soya en dhanya by en braai vir nog ’n minuut. Sprinkel met sesaamsade (opsioneel) en bedien.