Antwoorde gegee
Vir kunstande wat los is, kry jy “pleisters” by Clicks wat jy op jou kunsgebit plak. Dit vorm kussings. Om kunstande vas te laat sit, smeer tandepasta aan die binnekant van die tande. Dit sal ook help dat dit vassit.
LEONORA SNYDERS, PAARL
Vir kunstande wat nie vassit nie, gebruik Super Corega Denture Fixative Cream.
REGINA JONKERS, PRETORIA
Vir ’n seer keel, meng 1 teelepel elk heuning en appelasyn in ’n halwe koppie warm water en drink dit.
GAIL , BLACKHEATH
As jy droë hare het wat sukkel om te groei, gebruik die kondome wat by klinieke te kry is en smeer die olie aan. Dit werk goed vir sulke probleme.
CLARESE, PORT ELIZABETH
As jy lae bloeddruk het, week 8 amandels oornag in water. Haal die“skil”die volgende oggend af, maak dit fyn, kook dit in melk en drink dié mengsel warm.
ASHA PYLMAN, WELKOM
Eet liquorice-lekkers as jy sooibrand het. Ná ’n rukkie sal dit weg wees.
AMINA DAMONSE, STELLENBOSCH