GEROOSTERDE BLOMKOOL MET KORING
Genoeg vir 6 – 8
BESTANDDELE
1 groot blomkool 3 eetlepels olie 1 teelepel mosterdsaadjies 3 middelslag uie, geskil en elk in 8 skywe gesny 1 x 250 g-houer knopiesampioene 1 eetlepel vars tiemieblaartjies 1 knoffeltoontjie, gekneus en fyngekap 1 x 100 g-pak jongspinasieblare 2 koppies koring 4 koppies beesvleisaftreksel (of groente-aftreksel vir ’n vegetariese opsie) Sout en varsgemaalde swartpeper na smaak Gerasperde parmesaankaas vir opdiening
METODE
Sny die buitenste blare van die blomkool weg en die grofste deel van die onderste stam – die kool moet heel bly. Verhit die olie in ’n swaarboompot oor matige hitte. Voeg die mosterdsaadjies by en verhit tot die saadjies begin skiet. Voeg die uie by en braai tot sag en deurskynend. Voeg die sampioene, tiemie en knoffel by en braai vir nog ’n paar minute saam. Roer die spinasie by. Voeg die koring by, geur met sout en peper en meng. Maak ’n holte in die middel van die mengsel en plaas die blomkoolkop versigtig daarin. Giet die aftreksel versigtig rondom die blomkool. Bedek die pot, plaas in ’n voorverhitte oond van 180°C en bak vir 1 uur. Bedien met die parmesaankaas.