GRIEKSE LAMSNEK MET SUURLEMOEN EN TIEMIE

Genoeg vir 4

BESTANDDELE

1 kg lamsnek 3 eetlepels vars suurlemoensap 1 teelepel droë origanum Sout en varsgemaalde swartpeper na smaak 5 eetlepels olie 1 kg aartappels, geskil en in kwarte gesny 5 eetlepels botter ½ koppie water

METODE

Plaas die vleis in ’n oondroosterpan en bedruip met die helfte van die suurlemoensap. Sprinkel die origanum bo-oor en geur met sout en peper. Giet die olie oor. Bedek die pan met foelie en plaas in ’n voorverhitte oond van 150°C vir 1 uur. Haal uit die oond en rangskik die aartappels tussen die vleis. Geur met sout en peper en sprinkel nog origanum en die res van die suurlemoensap oor. Stip met die botter. Giet die water in die pan, bedek weer met foelie en bak vir nog 1 uur of totdat die vleis net-net van die been wil afval en die aartappels murgsag is. Bedien met ’n lekker Griekse slaai.

WENK: Jy kan lamsboud ook so gaarmaak. Laat die foelie weg en maak onbedek gaar. Verleng die gaarmaaktyd met ’n ekstra uur by die eerste sessie en wanneer jy die aartappels en dies meer bygevoeg het, verhoog die oondtemperatuur tot 180°C. Bak dan vir nog 1 – 1½ uur (afhangende van die grootte van jou lamsboud).

Dié gereg klink maar so eenvoudig, maar dis eintlik lekkerder as lamsboud! Karen Hart