SELINA SE SOP

Kuier - - IN DIE KOMBUIS -

Ge­noeg vir 4 – 6 BESTANDDELE

3 eet­le­pels bot­ter 1 eet­le­pel o­lie 1 groot ui, fyn­ge­kap 3 groot preie (of 6 klei­ne­res), goed skoon­ge­maak en die wit ge­deel­tes in rin­ge ge­sny 3 – 4 kop­pies aar­tap­pels, af­ge­meet na­dat jy dit ge­skil en in blok­kies ge­sny het 2 wor­tels, ge­skraap maar heel ge­hou Sout en vas­ge­maal­de swart­pe­per na smaak 6 – 8 kop­pies hoen­der- of groen­te-af­trek­sel ’n Bie­tjie vars­ge­ras­per­de neut­mus­kaat (nut­meg)

METODE

Ver­hit die bot­ter en o­lie in ’n groot ka­strol en braai die uie, preie en aar­tap­pels lig­gies daar­in oor ma­ti­ge hit­te tot­dat die uie sag en deur­sky­nend is. Die geheim van so ’n sop is om die groen­te ’n he­le ruk­kie só te s­moor so­dat al daar­die won­der­li­ke geu­re in jou pot los­ge­laat word nog lank voor­dat jy die af­trek­sel by­voeg. Wees net ver­sig­tig vir aan­brand. Jy kan so­lank‘n klein bie­tjie van die af­trek­sel by die pot roer om te keer dat dit ge­beur. Ná so 15 – 20 mi­nu­te kan jy die res van die af­trek­sel by­voeg. Sit die heel wor­tels ook in die pot en geur met sout en pe­per na smaak. Ver­laag die hit­te, be­dek die pot en laat lig­gies prut vir on­ge­veer 30 mi­nu­te. Sny die wor­tels ef­fens klei­ner en ver­pulp saam met die res van die sop. Jy kan ’n hand­men­ger of ’n voed­sel­ver­wer­ker ge­bruik of, as jy nie een van die twee het nie, die sop deur ’n sif vryf. Plaas die sop te­rug in die pot, geur met neut­mus­kaat en maak deur­warm voor­dat jy op­skep.

Newspapers in Afrikaans

Newspapers from South Africa

© PressReader. All rights reserved.