Wen groot kontantpryse met jou unieke gedig!

As jy nog nie ingeskryf het vir vanjaar se ATKVgedigtekompetisie nie, moet jy wikkel. Die kompetisie sluit binnekort en jy kan lekker pryse wen!

Haal uit jou pen en papier, want hierdie is jou laaste kans om in te skryf vir die ATKV-gedigtekompetisie, in samewerking met Kuier. Ons het alreeds meer as 200 inskrywings ontvang en die kompetisie word al hoe strawwer. Is jy ’n skrywer van formaat? Of dalk ken jy iemand by jou werk of skool wat van hierdie gulde geleentheid gebruik moet maak om sy of haar skryfvernuf te wys. Laat weet hulle ook sommer dadelik, want daar is lekker kontantpryse op die spel en die wengedig word in Kuier gepubliseer waar almal dit gaan sien. So, moenie huiwer om jou gedig vandag nog aan Kuier te stuur nie!

Wie kan deelneem?

Alle aspirantdigters landwyd kan deelneem aan die kompetisie.

Hoe oud moet jy wees om te kan deelneem? Daar is twee kategorieë:

Junior kategorie: Gr. 8- tot 12-leerders. Senior kategorie: Volwassenes ouer as 18 jaar. Onthou, indien jy in die junior kategorie is, moet jy skriftelike toestemming kry van jou ouers of voog. Hierdie toestemming moet ook ingestuur word saam met jou gediginskrywing. Sonder hierdie skriftelike inskrywing kan jy nie deelneem nie en word jy onmiddellik gediskwalifiseer.

Hoe neem jy deel aan die kompetisie?

• As jy aan die kompetisie wil deelneem, kan jy slegs een gedig inskryf.

• Die gedig mag nie langer as 14 reëls wees nie.

• Dit moet slegs in Afrikaans wees.

• Jou gedig kan oor enige onderwerp handel, maar mag geen kru (vloek-)taal bevat nie.

• Dit moet jou eie, oorspronklike samestelling wees en nie voorheen elders gepubliseer wees nie.

• Moenie plagiaat pleeg nie. Dit beteken dat jy bv. nie Daniel Hugo se gedig kan instuur of dele daarvan kan gebruik en inskryf nie.

Wanneer sluit die kompetisie?

Die sluitingsdatum vir alle inskrywings is op Vrydag 30 Junie 2017 stiptelik om 12:00. Geen laat inskrywings word aanvaar nie.