Soete plesier

Die Moedersdagfunksie se nagereg is deur SASKO se sjefs voorberei. Dié laag-oplaag soete verleiding, van bessies tot room, was beslis ’n wenner by ons gaste.

SASKO SE ETON MESS Genoeg vir 2

BESTANDDELE Koek 1 muffin ( SASKO Vanilla Muffin Mix, gebak volgens instruksies op die pakkie) 1 suurlemoen (sap en skil) 25 g ongesoute botter Vulsel 200 ml vars room 50 g strooisuiker ½ vanieljepeul 1 koppie gevriesde bessies 4 frambose, gehalveer 4 bloubessies, gehalveer Krummels 6 koekies ( SASKO Cookie Bake Mix, gebak volgens instruksies op die pakkie) 50 g gemaalde amandels 30 g geroosterde oats (hawermout) 50 g ongesoute botter Versiering 4 bloubessies 2 frambose (raspberries) 1 aarbei Paar mintblare

METODE

Koek: Gooi die botter, suurlemoensap en -skil in ’n pot en verhit tot die botter smelt. Sny elke muffin in die helfte (’n helfte per persoon) en in blokkies en gooi die bottermengsel bo-oor. Laat afkoel tot kamertemperatuur. Vulsel: Verhit die gevriesde bessies in ’n pot, voeg 20 g suiker by en laat dit afkook tot dit puree-tekstuur bereik. Laat dit vir 30 minute in die yskas afkoel. Meng die vars room met die oorblywende suiker en vanielje en klop styf. Neem die helfte van die geklopte room en meng dit met die bessiepuree. Plaas die ander helfte van die geklopte room en bessieroom in die yskas vir ongeveer 5 minute tot dit stol. Krummels: Krummel die gebakte koekies en meng met die gemaalde amandel en oats. Smelt die botter en gooi oor die koekiemengsel. Meng goed. Laat dit afkoel tot kamertemperatuur. Versiering: Plaas die suurlemoenbottermuffin-blokkies in ’n glas. Spuit ’n laag bessieroom van 1 cm bo-oor. Plaas die frambose en bloubessies bo-op die bessieroom. Spuit nog ’n laag van die gewone vanieljeroom oor die vars bessies. Sprinkel die koekiemengsel oor. Garneer met vars bessies en mint.