GRONDBOONTJIESOP

Genoeg vir 4 – 6

BESTANDDELE

Vir die sop 3 eetlepels olie 1 ui, fyngekap 4 stingeluie (spring onion), fyngekap 3 knoffeltoontjies, gekneus en fyngekap 1 rooi brandrissie, fyngekap 1 x 3 cm knoets vars gemmer, fyngekap of gerasper 1 eetlepel koekmeel 3 koppies hoenderaftreksel 3 koppies melk 2 koppies growwe grondboontjiebotter Sout en varsgemaalde swartpeper na smaak Gerasperde skil van 1 suurlemoen

Vir garnering

1 groot ui, in dun ringetjies gesny Genoeg olie vir diepbraai Sout en varsgemaalde swartpeper na smaak

METODE

Verhit die olie in ’n kastrol. Braai die ui, stingeluie, knoffel, gemmer en rissie daarin totdat die ui sag en deurskynend is. Roer die koekmeel by en roerbraai vir ’n minuut. Voeg die aftreksel by en bring tot kookpunt. Klits die melk, grondboontjiebotter, sout en peper en suurlemoenskil by. Kook die sop so onbedek oor lae hitte vir ongeveer 10 minute. Verhit die olie in ’n diep pan of klein kastrol en braai die uieringe in sarsies tot bros en bruin. Skep die sop in bakkies en garneer met die diepgebraaide uieringe. WENK: Indien die sop te dik is, voeg nog aftreksel by.