SPESERYPOEDING
Genoeg vir 4
BESTANDDELE
3 eetlepels botter ¼ koppie suiker 1 eier, geklits 1 koppie koekmeel 1½ teelepels bakpoeier ½ teelepel fyn kaneel ½ teelepel gemengde speserye ½ teelepel fyn naeltjies ’n Knippie sout ½ koppie melk
METODE
Klits die botter en suiker saam tot romerig. Voeg die geklitste eier by. Sif al die droë bestanddele saam en voeg alternatiewelik met die melk by die bottermengsel. Eindig met die droë bestanddele. Verdeel die mengsel tussen 4 ramekins wat goed met botter gesmeer is. Bedek elkeen van die ramekins met ’n stukkie foelie en plaas in ’n oondbak wat met genoeg water gevul is sodat die ramekins halflyf daarin staan. Bak vir 20 minute in ’n voorverhitte oond van 180°C. Skep dit uit die ramekins in poedingbakkies en bedien met room of vla en geroosterde gevlokte amandels.