Ronelda S. Kamfer (1981 –)
Ronelda Sonette Kamfer is op 16 Junie 1981 in Blackheath, Kaapstad, gebore. Op driejarige ouderdom gaan bly sy by haar oupa en ouma op ’n appelplaas in Grabouw. Dit was hier waar Ronelda se liefde vir lees en skryf vlam gevat het. In 1999 matrikuleer sy en later werk sy as verpleegster, kelner en administratiewe assistent. In 2010 voltooi sy haar honneursgraad aan die Universiteit van Wes-Kaapland. In 2008 debuteer sy met “Noudat slapende honde” waarvoor sy in 2009 die Eugène Marais-prys wen. Haar werk het die Afrikaanse letterkunde met ’n slag getref en word deur menigte as uiters kragtig en boeiend beskryf. Afrikaanse letterkunde wag lank reeds vir haar verfrissende stem en die taal kan sy sterre dank vir dié talentvolle skrywer!