Diana Ferrus (1953 –)
Diana Ferrus is op 29 Augustus 1953 op Worcester gebore. Sy het haar skoolopleiding by die Nederduits Gereformeer desendingskool begin en het in 1972 aan die Hoërskool Esselenpark matrikuleer. In 1973 het sy verder studeer aan die Universiteit van Wes-Kaapland (UWK), maar die universiteit het in die middel van die jaar weens politieke onrus gesluit. In 1993 kry sy ’n BA-graad met Sosiologie en Bedryfsielkunde as hoofvakke en in 1999 voltooi sy haar honneursgraad in Vrouestudies. Sy het poësie begin skryf toe sy 14 was en haar bekende gedig “Huldeblyk aan Sarah Baartman” speel indirek ‘n rol daarin dat Saartjie Baartman se oorskot teruggebring is na Suid-Afrika. Haar debuutbundel, Ons Kom Vandaan, wat sy self gepubliseer het, het in 2006 verskyn. Reeds voor dié bundel het sy al talle werke in verskillende versamelings, koerante en tydskrifte die lig laat sien.