STATISTIEKe
Volgens die ADHD-ondersteuningsgroep van SA (adhasa) het 8% tot 10% van die SA bevolking ADHD.
Dit beïnvloed mense van alle rasse. In Amerika is ADHD by net meer as 9% van die bevolking tussen 4 en 17 jaar oud gediagnoseer.
ADHD affekteer 5% van skoolgaande kinders.
ADHD is een van die mees algemene oorerfbare genetiese toestande. Daar is ’n oorerfbaarheidsyfer van 60% vir ’n kind as ’n ouer dit het, en 70% tot 80% vir ’n tweeling as dit by een van die twee gediagnoseer is.
Die regte medikasie kan ’n kind se probleem met tot 80% verbeter.
Sowat 8% tot 10% van Suid-Afrikaners het ADHD. En dit neem waarskynlik toe.
Sowat 7 tot 8 uit 10 kinders se toestand verbeter met medikasie. By die klein groepie vir wie pille nie werk nie, word op gedragsterapie gefokus.
Vir elke meisie wat daaraan ly, is daar 3 seuns wat die toestand het, volgens die amptelike syfer. Maar kenners reken dis net so algemeen onder meisies en dat dit bloot nie by hulle gediagnoseer word nie.
Dis in sowat 80% van gevalle oorgeërf en ’n kombinasie van albei ouers se gene, hoewel hulle nie noodwendig klinkklaar ADHD het nie.
Omega 3- en omega 6-aanvullings maak ’n verskil in sowat 40% van gevalle.
Dieet-aanpassings help in sowat 20% van gevalle in ’n mate.
1/3 kan hul medikasie stop as hulle groot is.
Sowat 75% van kinders met ADHD het leerprobleme. Hulle floreer nie in die huidige onderwysstelsel nie.
Studies wys kinders met ADHD is meer geneig om:
Vroeg die skool te verlaat (32% tot 40%).
Min of geen vriende te hê nie (50% tot 70%)
By antisosiale aktiwiteite betrokke te raak (40% tot 50%).