Antwoorde gegee
Spuit meubelpolitoer waar miere lastig is. Dit werk soos ’n bom. ROSALINE COERT, MAMRE
Om ontslae te raak van suur in jou liggaam, drink elke aand ’n mespunt koeksoda gemeng met ’n bietjie water. ISABELLA BENADIE, MIDDELBURG
Om van bosluise ontslae te raak en vlooie van ’n hond af te kry, was die hond met Sunlight-seep en water. Dit werk! EVELEEN SNOEK, ROBERTSON
Gooi motballe in jou dakplafon as jy wil ontslae raak van rotte. Hulle hou niks van die reuk nie.
BREGGIE FOURIE, CENTURION
Om van bosluise op honde ontslae te raak, gee hom aalwyn om te eet of sit aalwyntakkies in sy drinkwater. ANNA VLOK, WORCESTER
Om ontslae te raak van kakkerlakke, kook ’n aartappel en druk dit fyn en meng met boorpoeier. Vorm balletjies, en sit dit in eierbakkies en plaas oral in die kaste. Boorpoeier is te kry by apteke. GRIZELDA JACOBS, BELLVILLE-SUID
As jou strykyster onder swart aangebrand het, maak dit warm en spuit met oven cleaner en skuur dit dan skoon. Spuit dit ook met Scottsbright. Dit werk! CHAMILA MADATT, ATLANTIS
As jou neus toe is weens ’n verkoue of as jy sinus-probleme het, eet ’n stukkie rou ui. Dit maak dit byna onmiddellik oop. LYDIA KLEYNHANS, TOEKOMSRUS
As jy ontslae wil raak van kakkerlakke. Neem piesangskille en sit dit in jou kombuiskassies en bo-op en agter jou yskas en kassies. Jy sal sien hulle verdwyn gou. EVELYN HARZENBERG, ATLANTIS