Geperforeerde oordrom
Dit is dikwels eerder ’n harde hou op die oor wat veroorsaak dat die oordrom“bars”of perforeer, as wat dit veroorsaak word deur iets wat jy in jou oor steek, sê Du Preez.
Volgens Fourie kan ernstige oorinfeksie en drukking op die oordrom soos wanneer jy diepsee-duik doen, ook perforasie veroorsaak.
’n Gebarste of geskeurde oordrom sal met bloeding gepaard gaan en daarna gehoorverlies. As daar enige moontlikheid is dat jou oordrom geperforeer is, moet jy geensins oordruppels gebruik nie, want dit kan skade en selfs doofheid veroorsaak. As die perforasie nie sluit nie, kan dit deur ’n operasie herstel word, maar gewoonlik is geen chirurgie nodig nie. As jy ’n perforasie én gehoorverlies het, gevolg deur herhaalde infeksies, pyn en ongemak, sal jy dalk ’n operasie moet oorweeg.