Njammie Dhaltjies

Maak jou eie liplekker dhaltjies. ’n Lekker peuselhappie so eie aan Suid-Afrika soos Tafelberg!

DHALTJIES

Lewer ongeveer 16 – 20 (afhangende van die grootte)

BESTANDDELE

1 koppie kekerertjiemeel (chickpea flour) 2 eetlepels koekmeel 1 ui, fyngekap 1 teelepel fyn komyn 1 teelepel fyn koljander 1 teelepel rissievlokkies 1 teelepel sout ½ teelepel borrie ’n Handvol vars gekapte koljanderblare 1 Granny Smith-appel, gerasper 1 koppie gesnipperde spinasieblare 1 teelepel bakpoeier Olie vir diepbraai

METODE

1. Sif die kekerertjiemeel en koekmeel in ’n mengbak.

2. Voeg die res van die bestanddele, behalwe die bakpoeier, by.

3. Meng met net genoeg water om ’n dik beslag te maak en roer die bakpoeier by net voordat jy dit begin braai.

4. Verhit die olie in ’n diep pan of kastrol en skep lepelsvol op ’n slag in die olie. Braai tot alkant mooi goudbruin en dreineer op handdoekpapier.