Gebruik hierdie tips en produkte om jou voete tuis te pamper
Goedversorgde voete sê baie oor ’n vrou, maar dit hoef nie ’n hele maand se salaris te kos om na joune te kyk nie. Doen dit self by die huis en jy kan sommer baie spaar.
44
WEEK: Belê in ’n goeie voetspa. Ontspan jou voete in warm water.
SKROP: Smeer voetskrop aan jou nat voete. Fokus op die growwe dele en spoel dan af.
MASKER: Jou voete sal vars, nuut en glad voel ná ’n maskerbederf met spesiale bestanddele. Spoel die masker af ná ’n paar minute.
BEVOGTIG: Droog jou voete behoorlik af en smeer ’n koel bevogtigende voetroom aan.
VORM: Vyl naels vir ’n mooi vorm.
VERFYN: Druk jou velletjies versigtig terug en verwyder vir ’n netjiese voorkoms.
BEHANDEL: Maak gereeld gebruik van ’n cuticle olie om jou naels vinnig en sterk te laat groei. KLEUR: Verf twee lae naelpolitoer aan en rond af met ’n bolaag. MAAK NETJIES: Gebruik ’n oorstokkie om oortollige naelpolitoer te verwyder.