LEWERBROOD
Genoeg vir 6
BESTANDDELE
500 g lewer 1 eetlepel fyngekapte pietersielie 1 kleinerige ui, fyngekap 1 selderystingel, fyngekap ½ rooi soetrissie, wit gedeeltes en pitjies verwyder en fyngekap 1 koppie vars broodkrummels 1 eier, geklits 200 ml melk 1 eetlepel olie Sout en varsgemaalde swartpeper na smaak
METODE
Trek die vlies van die lewer af, sny dit in stukkies en maal (jy kan dit ook vinnig in die voedselverwerker fynmaak). Meng met die res van die bestanddele en skep in ’n gesmeerde standaard-grootte broodpan. Bak 1½ uur lank in ’n voorverhitte oond van 160ºC. Bedien met lekker varsgebakte brood.
WENK:
Dis maklik om die vlies van die lewer af te trek as jy die lewer eers in kookwater dompel.