HAWAIISE VARKSTOKKIES

Genoeg vir 4

BESTANDDELE

750 g varkblokkies

Vir die marinade

1 koppie water 3 eetlepels sout 3 eetlepels bruinsuiker 1 eetlepel “jerk”-speserymengsel (sien resep op bladsy 26) 4 knoffeltoontjies 1 koppie rum

Vir die samestelling

300 g dik spekrepe (pork rashers) 1 pynappel, geskil, stronk verwyder en in blokkies gesny 8 bamboesstokkies, vir minstens ’n uur of verkieslik oornag, in water geweek

METODE

Plaas al die bestanddele vir die marinade in ’n kastrol en bring tot kookpunt. Laat staan om heeltemal af te koel en marineer die varkblokkies daarin vir minstens 30 minute. Sny die dik spekrepe in kleiner stukkies en ryg om die beurt saam met die pynappel- en varkblokkies op elke stokkie. Braai oor matige kole alkant tot mooi deurgaar.

WENK:

Jy kan die rum met pynappelsap of lemoensap vervang.