STEAKHOUSE SPECIAL
Genoeg vir 4
BESTANDDELE
6 eetlepels olie 3 eetlepels sojasous 6 eetlepels Worcestershire-sous 1 eetlepel Dijon-mosterd 1 eetlepel suurlemoensap 3 knoffeltoontjies, gekneus en fyngekap 1 eetlepel bruinsuiker Sout en varsgemaalde swartpeper na smaak 1 kg beesvleisblokkies 16 knopiesampioene 8 klein jongaartappeltjies met skille gekook tot net gaar en nog ferm, gehalveer 8 piekelgrootte uitjies, geskil en gehalveer 8 bamboesstokkies, vir minstens ’n uur of verkieslik oornag, in water geweek
METODE
Meng die olie, sojasous, Worcestershiresous, mosterd, suurlemoensap, knoffel, bruinsuiker en sout en peper saam. Giet die mengsel saam met die vleisblokkies en sampioene in ’n glasbak en gebruik jou hande om die marinade deur die vleisblokkies en sampioene te werk. Laat staan vir minstens 30 minute by kamertemperatuur om te marineer. Ryg die blokkies om die beurt met die aartappel- en uihelftes en die sampioene op elke stokkie. Geur met nog sout en peper en braai oor matige kole tot alkant gaar.
WENK:
Vir die lekkerste happie, kies dik skywe van jou gunsteling-steaksnit, sny dit self of laat dit in blokkies sny.