SPICY LAMSRIBBETJIES OP ’N STOKKIE
Genoeg vir 4
BESTANDDELE
12 lamsribbetjies, omtrent die grootte van jou duim
Vir die sjoe-sjoe-vryfmengsel
6 eetlepels klewerige bruinsuiker 4 eetlepels fyn komyn 4 eetlepels paprika 4 eetlepels growwe sout (nie fyn sout nie) 2 eetlepels varsgemaalde swartpeper 2 eetlepels rissiepoeier 1 teelepel rooipeper 1 teelepel fyn foelie (mace) 12 bamboesstokkies, vir minstens ’n uur of verkieslik oornag, in water geweek
METODE
Meng al die bestanddele vir die vryfmengsel goed saam en bêre in ’n lugdigte flessie. Werk maar baie versigtig en spaarsamig – dis nogal ’n kragtige mengsel. Sprinkel ’n bietjie daarvan oor die ribbetjies en vryf in die vleis in. Laat staan vir 30 minute. Ryg elke ribbetjie op ’n stokkie – steek die stokkie al in die lengte van die been langs deur die vleis. Braai oor matige kole tot mooi deurgaar en die vetjies lekker brosgebraai.
WENK:
Indien jy nie foelie in die hande kan kry nie, kan jy dit met ’n gelyke hoeveelheid fyn allspice vervang.