MARIE CURIE

Die ontdekking van radium in 1898 deur Pierre en Marie Curie, het ons ’n wapen van onskatbare waarde in die oorlog teen kanker gegee. Marie Curie is die eerste vrou wat ’n Nobelprys gewen het en die eerste mens om dit in twee wetenskappe te wen.

Wat is kanker?

Kanker is ’n groot groep siektes wat gekenmerk word deur die onbeheerde groei en verspreiding van abnormale selle in die liggaam. Hierdie abnormale selle vorm vinnig en onbeheers. Dit verdring normale weefsels en eis hul bloedtoevoer en voedsel. Die selle vorm ’n gewas wat geen nut in die liggaam het nie en stukke daarvan breek uiteindelik af en versprei deur middel van bloedvate na ander dele van die liggaam.

’n Mammogram is ’n spesiale X-straalondersoek van die bors waardeur kanker, wat so klein is dat jy of ’n dokter dit nie kan voel nie, dikwels opgespoor word.