Wenke vir ouers
Ouers moet ’n goeie voorbeeld stel sodat kinders van kleins af leer soetgoed en suiker is ’n bederf.“Dit help nie mens ontneem jou kinders, maar eet self elke aand ’n sjokolade nie!”sê Claudine. Sy raai ouers aan om:
Kinders van kleins af by voedselkeuses te betrek.“Moenie streng reëls rondom kos maak nie. Verduidelik eerder aan jou kind hoe verskillende kossoorte jou liggaam beïnvloed.”
Hou gesonde peuselhappies soos vrugte en neute in die huis. En soet lekkernye vir net so een tot twee keer per week.
Vergelyk verskillende handelsmerke met mekaar en kies die een met die laagste suikerinhoud.“Kyk na die hoeveelheid bygevoegde suiker in die produk. Deel daardie hoeveelheid deur 4 – dit gee vir jou die aantal teelepels suiker wat in ’n produk is.”
Vervang die helfte van ’n versoete produk met ’n onversoete produk. “Meng byvoorbeeld ’n versoete ontbytgraan met ’n onversoete ontbytgraan.”