VARKROLLETJIES

Genoeg vir 6 – 8 BESTANDDELE Vleis ¾ koppie soutvlokkies 1½ koppie klewerige bruinsuiker 2 kg varkblad (sonder vel) ½ koppie maple syrup 2 eetlepels mosterdpoeier ½ van 156 g potjie heelkorrelmosterd Varsgemaalde swartpeper na smaak Koolslaai ¼ koppie asyn 2 eetlepels suiker 2 eetlepels olie Sout en varsgemaalde swartpeper na smaak 1 koppie kopkool, versnipper 1 koppie wortels, gerasper 1 koppie seldery, gekap Skil van 1 suurlemoen, gerasper ’n Handvol vars pietersielie, gekap Samestelling 6 – 8 Portugese of ciabatta-rolletjies, gehalveer en met botter gesmeer Blaarslaai van jou keuse Sous van jou keuse Sout en varsgemaalde swartpeper na smaak METODE

Vleis: Meng die sout en 1 koppie van die suiker in ’n glasbak waarin die varkblad knussies pas. Vryf die mengsel oor die vark sodat die vleis heeltemal bedek is met die mengsel. Bedek die bak met kleefplastiek en laat oornag in die yskas staan. Haal die vark die volgende oggend uit en vryf mooi skoon met handdoekpapier. Meng die res van die suiker met die stroop, mosterdkorrels, mosterdpoeier en swartpeper. Smeer die helfte van die mengsel oor die hele varkblad. Plaas die blad op die roosterrakkie van ’n oondroosterpan en maak stadig vir 6 uur lank gaar in ’n voorverhitte oond van 140°C. Verf die res van die mengsel oor die vark en plaas terug in die oond vir nog ’n uur. Haal die vark op ’n bord uit en bedek lossies met foelie. Laat rus vir ongeveer ’n halfuur voordat jy die vark uitrafel deur twee vurke te gebruik.

Koolslaai: Meng die asyn, suiker, olie en sout en peper. Meng die res van die bestanddele in ’n slaaibak en giet die olieen-asyn-mengsel oor. Meng goed, bedek en laat staan tot benodig. Samestelling: Plaas die blaarslaai op die onderste deel van die rolletjie, skep van die koolslaai bo-op, ’n skeppie sous van jou keuse (mayonnaise is vir hierdie resep gebruik) en genoeg van die vleis bo-op. Geur met sout en peper na smaak. WENK: Regte maple syrup is baie duur. Gebruik gerus gouestroop in die maple syrup-geur.