GEURIGE BEESVLEISKERRIE

Genoeg vir 4 – 6 BESTANDDELE Kerriepasta 3 rooi brandrissies, pitjies en naatjies verwyder 1 kleinerige ui, 3 mollige knofffeltoontjies 1 x 3 cm stuk vars gemmer, geskil ½ teelepel paprika ½ teelepel borrie ¼ teelepel fyn naeltjies ¼ teelepel neutmuskaat (nutmeg), gerasper 3 eetlepels olie Kerrie ¼ koppie klewerige bruin suiker ¼ koppie sojasous 1 kg beesstowevleis ½ koppie koekmeel Sout en varsgemaalde swartpeper na smaak 3 eetlepels olie 1 groot ui, fyngekap 1 sitroengrasstingel (lemongrass) 1 kaneelstokkie 3 steranysblommetjies 5 kardamomsade, gekneus 1 x 400 g-blik klappermelk (coconut milk) 2 koppies beesvleisaftreksel ½ koppie geroosterde klapper ’n Handvol vars koljanderblare, gekap Sap van 2 lemmetjies (of 1 eetlepel suurlemoen- en 1 eetlepel lemoensap gemeng)

(of soos jy verkies) Opdiening Jasmynrys Geroosterde klapperkrulle Geroosterde grondbone, fyngekap Sambal van jou keuse METODE

Kerriepasta: Plaas al die bestanddele vir die kerriepasta in ’n voedselverwerker en verpulp. Hou eenkant.

Kerrie: Verhit die sojasous en bruin suiker saam in ’n klein kastrol oor matige hitte. Bring tot kookpunt en laat prut vir ongeveer 15 minute totdat die suiker heeltemal opgelos is en die mengsel stroperig word. Laat afkoel en hou eenkant. Geur die koekmeel met sout en peper en rol die stukkies vleis daarin. Verhit die olie in ’n swaarboompot (wat dig toemaak met ’n deksel en in die oond kan gaan). Skep die kerriepasta in die warm olie en braai vir ’n paar minute oor matige hitte. Voeg die vleis en uie by en meng goed met die kerriepasta. Braai vir ’n paar minute totdat die vleis begin verbruin. Voeg die sitroengras, kaneelstokkie, steranys, kardamom, klappermelk en aftreksel by en bring tot kookpunt. Bedek die pot en plaas in ’n voorverhitte oond van 150°C vir ongeveer 3 – 4 ure totdat die vleis murgsag is en van die bene afkom. Roer die geroosterde klapper en 2 eetlepels van die soja-enbruinsuikermengsel saam met die lemmetjiesap en vars koljander in die kerrie. Voeg sout en peper by na smaak. Bedien met jasmynrys, klapperkrulle, grondbone en sambal. WENK:

As jy nie sitroengras kry nie, kan jy die gerasperde skil van 1 suurlemoen gebruik.