DEKADENTE SJOKOLADEROOMKOEK

Genoeg vir 8 – 10 BESTANDDELE Koek 1 eetlepel suiker 500 g donkersjokolade (3 x 150 g-blokke, plus 1/3 van nog ’n 150 g-blok) 8 eetlepels sagte botter 4 eiers, geskei 4 eetlepels suiker 1 eetlepel mielieblom (Maizena) 2 teelepels vanilla essence ¼ teelepel kremetart (cream of tartar) Bolaag 4 piesangs 2 eetlepels lemoensap 3 eetlepels botter 3 eetlepels suiker 1 koppie room 3 eetlepels versiersuiker (icing sugar) 1 eetlepel rum Die res van die sjokolade (sien bo by die koekbestanddele), gerasper METODE Koek:

Smeer ’n 24 cm losboomkoekpan en besprinkel met suiker. Smelt die sjokolade en botter saam in ’n dubbelkastrol of in ’n hittebestande bak oor ’n kastrol kookwater oor lae hitte. Haal dit van die hitte af en laat effe afkoel. Klits die eiergele met 2 eetlepels van die suiker met ’n elektriese klitser vir ongeveer 5 minute of totdat die mengsel liggeel en dik is. Roer die mielieblom en vanilla essence by. Klits die eierwitte totdat dit net-net begin wit en dik word – gooi dan die kremetart by. Klits tot stywe punte begin vorm en voeg die res van die suiker – die oorblywende 2 eetlepels – bietjie vir bietjie by. Vou die eiergeelmengsel versigtig in die sjokolademengsel in en vou dan die eierwitmengsel selfs nog meer versigtig in. Skep die mengsel in die voorbereide koekpan. Bak die koek in ’n voorverhitte oond van ongeveer 180°C 30 minute of totdat die koek ferm

Hierdieresep isgeïnspireer deurlatkes, dielekkerJoodseaartappelkoekies.Diesoetpatat geedit ’nheelander smaak–watertandlekker! KAREN HART

bo-op is, maar nog effe sag aan die binnekant. Haal die koek uit die oond en laat dit in die pan afkoel tot kamertemperatuur. Sny die kante liggies los met ’n mes en haal die koekpanring af. Die koek gaan ’n bietjie insink in die middel, maar dis hoe dit moet wees. Bolaag:

Skil die piesangs en sny in skyfies. Meng met die lemoensap om te verhoed dat dit verkleur. Verhit die botter en suiker saam in ’n kastrol oor hoë hitte en laat die mengsel karameliseer. Dit gebeur vinnig – binne 2 – 3 minute. Roer die piesangs by en kook saam vir ongeveer 3 minute of totdat die piesangs goudbruin is. Laat die piesangmengsel heeltemal afkoel. Klits die room in ’n bakkie en sodra dit begin styf word, klits die versiersuiker en rum bietjie vir bietjie by. Skep die piesangs bo-op die koek en gebruik ’n spuitsak om die room bo-op te spuit. Besprinkel met die gerasperde sjokolade. WENK:

Indien jy ’n effe soeter koek verkies, kan jy die helfte van die sjokolade met melksjokolade vervang.