HAM MET WHISKYGLANS
Genoeg vir 6
BESTANDDELE
Ham 2 – 2,5 kg ham 3 heel wortels 1 ui, geskil en gehalveer 3 selderystingels, in stukke gesny 7 kruienaeltjies 3 bay leaves 7 swartpeperkorrels Glaze ½ koppie bruinsuiker ½ koppie marmelade ¼ koppie whisky ¼ koppie lemoensap 2 kaneelstokkies Omtrent 20 – 30 kruienaeltjies
METODE
Ham: Plaas die ham saam met die wortels, ui, seldery, kruienaeltjies, bay leaves en peperkorrels in ’n diep kastrol. Giet genoeg water in die kastrol sodat die ham heeltemal bedek is. Bring tot kookpunt, verlaag die hitte en bedek die pot. Kook vir ongeveer 30 minute per 500 g; 2 kg ham sal ongeveer twee ure neem.
Glaze: Plaas al die bestanddele vir die glaze, behalwe die kruienaeltjies, in ’n kastrol en bring tot kookpunt. Kook vir ongeveer 5 – 7 minute saam. Sny versigtig die velbolaag van die ham af sodat die vetlagie daaronder heel bly. Maak eweredige snye in die vetlagie, maar moenie tot in die vlei- slaag sny nie. Maak nou weer eweredige snye oorkruis en druk ’n naeltjie in op elke plek waar die lyne mekaar kruis. Gebruik ’n kombuiskwas en verf die glaze oor die vetlaag. Plaas die ham op die draadrak van ’n oondroosterpan en bak vir 15 – 20 minute in ’n voorverhitte oond van 200°C. Verf nog van die glaze bo-oor ná die helfte van die baktyd verby is.