Wenke watwerk
Hier is wenke vir kougom in hare en op meubels, wanneer jy nie staalwol het nie en raad vir jou gesondheid.
ANTWOORD
Vir Valentynsdag moet ’ n mens eerder dink “liefde, tyd en pret” as “geld en skuld”. Hier is oulike randrekkers: 1. Kook ’ n spesiale ete eerder as om uit te gaan. Kry ’ n tema soos “kos van die wêreld” of maak al jou geliefde se gunstelingdisse in klein peuselhappies. Jy kan ook ’ n buffet van poedings maak, eerder as kos. 2. Hou ’ n skattejag met clues wat oor jul herinneringe en verhouding gaan. 3. Spandeer tyd saam in die natuur. Gaan vir ’ n stappie of ry fiets. Vat ’n piekniekmandjie en geniet die tyd saam. 4. Skryf ’ n liefdesbrief (met jou hand!) en pos dit vir jou geliefde. Maak net seker jy doen dit betyds. 5. As die weer nie saamspeel nie, hou ’n romantiese piekniek binne met komberse en kerse. 6. Onthou jy jou hoërskooldae en die magic van ’ n mixed tape? Maak ’ n CD met love songs as ’n geskenk, dis verniet! 7. Hou ’ n spa-aand en bederf jou geliefde met ’ n massage, manicure en ’ n gesigmasker. 8. Cuddle by die huis op die bank met ’n pizza en binge jul gunstelingreeks.
VRAAG:
Is daar oulike idees om jou kinders te leer van die waarde van Valentynsdag? KARRA VAN WYNGAARDT, ELLISRAS
ANTWOORD GEGEE
’n Mens is nooit te jonk om te leer van die liefde nie. Maak seker jou kind verstaan van jongs af jy kan nie liefde koop nie. 1. Pak tuisgemaakte koekies of bederfies in hartvorm in hul kosblikke. 2. Vir ’n week voor Valentynsdag, plak elke dag een nota op hul kamerdeur of in die kosblik wat sê hoekom hulle vir jou spesiaal is. Op Valentynsdag, skryf ’n liefdesbrief. 3. Op Valentynsdag, speel oulike liefdesspeletjies. Speel “pin the arrow on the heart”; hartjie-wegkruipertjie (steek ’n hartjie weg) of hou ’n liefde-skattejag. 4. Kook hul gunstelingmaaltyd en vra hul hulp om die tafel te dek.