MIELIEBROOD MET GUACAMOLE
Lewer 1 vierkant van 20 cm of 8 klein broodjies
BESTANDDELE
Mieliebrood
¾ koppie mieliemeel
1 koppie koekmeel
1 eetlepel suiker
1 teelepel bakpoeier
1 teelepel koeksoda
½ teelepel sout
1 eier, geklits
1 koppie ongegeurde volroomjogurt
2 eetlepels botter, gesmelt 7 peppadews, versnipper 1 eetlepel koljanderblare, gekap Guacamole
2 ryp avokado’s, fyngemaak ½ koppie ongegeurde volroomjogurt
½ klein rooi-ui, fyngekap
½ rooi brandrissie, naatjies en pitjies verwyder en fyngekap 3 eetlepels koljanderblare, gekap Sap van 1 lemmetjie (lime) ½ teelepel sout
METODE
Mieliebrood: Meng die mieliemeel, koekmeel, suiker, bakpoeier, koeksoda en sout saam in ’n mengbak. Meng die eier, jogurt en botter in ’n mengbakkie en roer saam met die peppadews en koljander by die droë bestanddele. Verdeel die mengsel tussen agt gesmeerde mini-broodpannetjies of giet die mengsel in ’n gesmeerde vierkantige pan van 20 x 20 cm. Bak die broodjies vir 18 – 20 minute in ’n voorverhitte oond van 230°C (die groot een vir omtrent 30 minute). Guacamole: Meng al die bestanddele en skep in ’n opdienbakkie. Bedien die brood warm met die guacamole en gerasperde cheddarkaas.
WENK
Jy kan die koljander en peppadews weglaat as jy wil.