GRIEKSE FEESBORD

Genoeg vir 4

BESTANDDELE

Frikkadelle 500 g maalvleis 1 klein ui, fyngekap Sout en varsgemaalde swartpeper na smaak

’n Knippie neutmuskaat (nutmeg), gerasper 1 sny brood, verkrummel

4 eetlepels ongegeurde volroomjogurt 3 eetlepels pietersielie, varsgekap 1 eier 1 eetlepel soetrissiesous 3 eetlepels olie Tzatziki ½ komkommer, gerasper 1 koppie volroomjogurt 1 eetlepel pietersielie (of dille), fyngekap 1 eetlepel mintblare, fyngekap 1 knoffeltoontjie, gerasper

1 teelepel rooiwynasyn

Sout en varsgemaalde swartpeper na smaak Samestelling

4 mini-pitabroodjies of twee gewone groottes, gehalveer

Tamaties aan die takkie of enige ander klein tamaties

1 koppie fetakaas, in blokkies gesny

1 koppie swart olywe

METODE

1. Meng al die bestanddele vir die frikkadelle saam in ’n groterige mengbak. Gebruik jou hande om alles goed te meng en vorm frikkadelle so groot soos tafeltennisballetjies. Plaas dit op ’n bakplaat wat met foelie gevoer is en besprinkel met die olie. Plaas in ’n voorverhitte oond van 180°C en bak vir 30 minute.

2. Plaas die komkommer in ’n strainer wat met ’n skoon vadoek gevoer is en laat staan 20 minute sodat dit goed dreineer.

3. Meng die komkommer en die res van die bestanddele vir die tzatziki. Skep in ’n opdienbakkie.

4. Rooster die pitabroodjies op ’n verhitte riffelpan. Rangskik die frikkadelle, pitabroodjies en tamaties op ’n opdienbord. Skep die feta en olywe in bakkies en sit dit saam met die tzatziki op die bord voor.

WENK

Jy kan ook die frikkadelle in ’n swaarboompan gaarmaak. >>