SJOKOLADEKOEK

Lewer een dubbellaagkoek van ongeveer 18 cm

BESTANDDELE

Koek

115 g botter

1 koppie suiker

1 eier

½ teelepel vanilla essence 1½ koppie koekmeel

¹/3 koppie kakao

1 teelepel koeksoda ½ teelepel sout

1 koppie ongegeurde volroomjogurt

Versiersel

125 g botter

5 eetlepels kakao, gesif 3 koppies versiersuiker 3 eetlepels ongegeurde volroomjogurt

1 teelepel vanilla essence ½ teelepel espresso-kitskoffie

Samestelling

Enige gemengde bessies 1 koppie room, styfgeklits

METODE

Koek: Room die botter en voeg die suiker by. Klits tot lig en romerig. Klits die eier en vanilla essence by. Sif die koekmeel, kakao, koeksoda en sout saam in ’n aparte bak en voeg om die beurt met die jogurt by die bottermengsel. Sorg dat jy ’n bietjie van die meelmengsel laaste byvoeg. Giet die deegmengsel in twee gesmeerde koekpanne van 18 cm waarvan die bodem met bakpapier, ook gesmeer, gevoer is. Bak in ’n voorverhitte oond van 180°C vir ongeveer 20 – 25 minute. Laat staan in die panne vir ongeveer 5 minute voordat jy dit op draadrakke uitkeer om heeltemal af te koel. Versiersel: Meng al die bestanddele vir die versiersel en klits tot romerig. Samestelling: Smeer die helfte van die versiersel op die bokant van die een koeklaag. Stip met room en sprinkel met ’n paar van die bessies. Plaas die ander koeklaag bo-op en versier met die oorblywende versiersel, bessies en room.

WENK: Jy kan die vars vrugte en room weglaat en die koek versier soos jy verkies.