HOENDERTOSTADAS MET SWARTBONE
Genoeg vir 4 – 6
BESTANDDELE
Hoender
2 hoenderborsies, met vel en been
Olie
2 eetlepels braaispeserye Sout en varsgemaalde peper
Tamatiesous
3 eetlepels olie
1 groot ui, fyngekap 3 knoffeltoontjies, fyngekap 1 x 400 g-blik geskilde en gekapte tamaties
2 eetlepels rissiepoeier Sout en varsgemaalde peper
Bonemengsel
1 eetlepel olie
1 kleinerige ui, fyngekap 1 pak spek in stukkies gesny 2 x 400 g-blikke swartbone met vloeistof
Sout en varsgemaalde peper Samestelling
8 middelslag-wraps (tortillas) Oliesproei
Sout
Vars koljanderblare vir garnering (opsioneel), gekap
METODE
Hoender: Sit die hoenderborsies in ’n kleinerige oondroosterpan, verf dit met ’n bietjie olie en sprinkel die speserye bo-oor. Geur met sout en peper en bak vir 35 – 40 minute in ’n voorverhitte oond van 200 °C of totdat die hoender deurgaar is. As die borsies klein is, kan jy die baktyd verminder en ná 25 – 30 minute begin toets of jou hoender gaar is. Tamatiesous: Verhit die olie in ’n pot en braai die ui en knoffel daarin. Voeg die tamaties, rissiepoeier, sout en peper by en laat prut oor lae hitte vir ongeveer 20 minute. Bonemengsel: Verhit die olie in ’n swaarboompan en braai die spek en uie saam totdat die uie begin verbruin en die spek bros raak. Voeg die bone met hul vloeistof by en bring tot kookpunt. Kook totdat die vloeistof begin verminder en die mengsel dik en romerig raak. Haal van die stoofplaat af en geur met sout en peper. Samestelling: Spuit elke tortilla alkant met oliesproei, sprinkel met ’n bietjie sout en pak in ’n enkellaag op ’n bakplaat onder die oondrooster wat tot 220 °C verhit is. Rooster vir 3 – 5 minute, eers aan die een kant en dan weer 3 – 5 minute aan die ander kant. Skep die bonemengsel op elke tostada. Sny die hoenderborsies in skywe van die been af en rangskik bo-op. Skep genoeg van die tamatiemengsel bo-op en garneer met koljanderblare.