Wenke watwerk
Hier is wenke vir taai kolle en fluff op jou klere, skilfers en raad vir verkoue- en griep-doepas.
ANTWOORD
Wat jy nodig het:
Spons, stomp mes, spatula of ou bankkaart, sagte borseltjie (opsioneel), ou, wit handdoek, witasyn, prewash stain remover of vloeibare wasgoedseep.
Stappe:
1. Voor jy begin, kyk na die kledingstuk se label om seker te maak jy kies die regte was-siklus.
2. Maak die witasyn warm in die microwave. Doop die spons daarin en druk dit oor die area uit waar die sticker-gom vassit tot dit deurweek en die asyn geabsorbeer is. Die gom behoort nou los te raak en op te rol sodat jy dit met die mes, spatula of bankkaart kan verwyder.
3. Spoel dit area uit met koue water en behandel die vlek met prewash stain remover of die vloeibare wasseep. Werk dit in die vlek in met jou vingers of die sagte borseltjie. Los dit só vir minstens 15 minute en was dan in die wasmasjien.
4. Maak seker die vlek is weg ná die wassiklus. As dit nog nie is nie, herhaal die proses. As daar dalk ’n sticker op jou bank of kussings is, probeer die warm asyn en wit handdoek. Spons die asyn direk op die vlek maar moet dit nie te nat maak nie. Gebruik die wit handdoek om die area te blot en die gom só af te kry.
Werk van die buitekant af binnetoe om te keer dat die vlek groter raak.
Bron: https://bit.ly/3ABo6Yu
WENK GESOEK
Hoe kan ’n mens vlieë wat nie vir die koue bang is nie, wegjaag? JOHN ANDREWS
ANTWOORD
• Maak seker jou huis is geseël deur spasies of krake toe te stop.
• Soek hulle op“stil”areas waar hulle die lekkerste kan eiers lê.
• Hang sticky vlieë-traps in jou huis. Vervang wanneer dit vol raak.
Bron: https://bit.ly/3hExaTI
LESERSWENKE
Skilferprobleem: Was jou hare en spoel dit af met een eetlepel Engelse sout of ’n teelepel koeksoda opgelos in 500 ml water. THOMAS, VREDENBURG
Om kaas te rek, rasper dit. Jy kom baie langer daarmee uit as om skywe te sny. JENNY STEYN, BRACKENFELL
Om fluff te verhoed op baadjies, was dit in ’n kussingsloop in die wasmasjien. MARGARET BESTER, RICHARDSBAAI
As jy vinnig ’n quiche of souttert wil maak en jy het nie tyd om ’n kors te maak nie, pak ’n laag Cream Cracker-soutbeskuitjies as die kors. MAGDA, BELFAST
Maak ysblokkies van oorskietkoffie en gebruik dit om jou oggendkoffie mee af te koel. PHILIP BARTLETT, HADDON
Om olie of vetterigheid uit jou hare te verwyder, meng een eetlepel koeksoda met ’n hand vol shampoo en was jou hare deeglik. URSULA, SOMERSETWES
Vir ’n kosblik: Ryg kaas en snytjies Viennas met ’n mini-tamatie op tandestokkies of kort sosatie-stokkies. Voeg kaaswiggies by. Ryg verskillende kleure druiwekorrels en aarbeie ook in. Rond af met ’n Snacker bar. FLORENCE PHILLIPS, ALBERTINIA
Drink Zink-tablette vir koorsblare. Dit werk regtig. ALET THERON, LAINGSBURG
Meng kasterolie en soetolie (’n halwe botteltjie van elke olie) en smeer twee keer per dag aan jou rekmerke, vleismoesies en vlekke. ANNEEDA PEKEUR, MONTAGU
Spuit ’n bietjie meubelolie op jou metaaltuin-ornamente om dit te beskerm en weer mooi te laat lyk. ANNE, HENNENMAN
As jou bloeddruk hoog is, sny ’n aartappel op in skywe, laat dit trek in water en drink. VANESSA FIELIES, ELSIESRIVIER
As jy voller en dikker wenkbroue wil hê dan is kasterolie net die regte olie vir jou. Smeer die olie saans aan jou wenkbroue en hou dit oornag aan. Was dan jou gesig soos gewoonlik. Gebruik elke aand vir so twee weke. Jy sal gou die verskil sien. MARGARET JULIUS, BISHOP LAVIS
VERKOUE EN GRIEP
As jou bors styf voel met griep of brongitis stoom met Karvol drie keer per dag. Dit werk uitstekend. ANTOINETTE KROG
Meng Turlington, borsdruppels, heuning, suurlemoensap, peppermintdruppels en drink dit. Dit hou baie lank in die yskas. MARGARET JULIUS
Uiestroop: Sny rou uie in ringe, gooi suiker daarop en laat dit oornag staan in ’n bak met ’n deksel op. Jou uie en suiker sal bepaal die hoeveelheid van jou stroop. ’n Grandpa-poeier saam met kruie werk net so goed. CANDICE KOTZE
Suurlemoen en heuning in kook water. Disprin met Med-Lemon en ’n bietjie Brandy in kookwater – jy sweet dit uit. ROBERT KROG
Smeer Vicks op jou bors of rug en onder jou voete en trek kouse aan. Nou kan jy maar gaan slaap. Jy sal baie beter voel in die oggend. MELLINEY BUYS
Meng Jamaika-gemmer, witdulsies, pepermentdruppels, Med-Lemon, Disprin, Allergex en Famucaps met ’n bottel heuning. Drink ’n teelepel drie keer ’n dag.
Hou jy van bak? Hou jou oop marshmallow ws vars deur dit in ’n sakkie te sit en n te vries totdat jy dit nodig he et. LEA, KAAPSTAD