HOUVROU OF TROUVROU?

Kyk uit vir dié reekse DEUR JODY-LYNN TAYLOR

Dié kompetisiereeks is terug vir ’n tweede seisoen en spog met ’n nuwe groep deelnemers én ’n nuwe aanbieder en beoordelaar.

Waaroor gaan dit?

In dié VIA-program bring agt vroue van oor die land heen 10 dae saam in ’n huis deur vir die titel van Suid-Afrika se toptrouvrou. Nes voorheen slaan die wenner nie ’n trouman los nie, maar sy kan ’n vet kontantprys van R300 000 huis toe neem. Die reeks vra dié vraag: "Hoe lyk die moderne trouvrou?"

“Ons is baie opgewonde oor nog ’n seisoen,”sê Zandri Douglas, die regisseur.“Hierdie formaat is propvol verrassings en hou deelnemers en kykers op hul tone.”

Suid-Afrika se etiketkoningin, Emsie Schoeman, en die omroeper en TVaanbieder Sherlin Barends is weer op die beoordelaarspaneel. Die akteur

Sean-Marco Vorster sluit by hulle aan.

Die aktrise Simoné Pretorius sit die eerste keer in die aanbiederstoel. Dit was vir haar lekker om weer saam met Sean-Marco te werk, sê sy.

Die reeks is in Julie oor 10 dae by The Residence op die Vrede en Lust-wynlandgoed buite Franschhoek geskiet.

Dié seisoen ’n moetsien, vertel Zandri.“Die druk en drama is meer. Die uitdagings is haarfyn beplan en regtig opwindend – van stalle skoonmaak tot fisies uitdagende toetse.”

Vier dinge wat jy moet weet:

1. Kort nadat Simoné aangekondig het sy is weer swanger, het die produksiespan uitgevind Sherlin is ook swanger!

2. ’n Week voor die verfilming het die Paarl amper weggespoel.

3. Die produksiespan is vol lof vir Emsie. “Sy is ’n absolute legende en word in Desember 90 jaar oud," sê Zandri.

4. Early B kom maak ’n draai in een episode. WOENSDAE OM 20:00 OP VIA