GRYSER, MOOIER
Jy’s grys. Hoe maak jy vrede daarmee? Ons wys hoe jy jou grys hare jou crowning glory kan maak
Dit word nie altyd verwelkom deur almal wat dit natuurlik kry nie, maar grys hare is ook vir sommige ’n teken van wysheid en ’n lang lewe. Selfs jonger mense kleur deesdae hul hare grys!
STILERING STILEER DIT SÓ
• Sagte krulle werk goed vir grys hare. Jy kan groot rollers gebruik of jou hare met ’n borsel droogblaas om golwe te skep.
• Glad- of speels-opgekamde hare is ’n wenner.Versier jou hare met wit of silwer bykomstighede om die grys te komplementeer.
• Oorweeg ’n keratien-treatment vir meer beheerbare hare met min frizz. Dit maak ook jou hare maklik om te style, want die hare is steiler, wat beteken jy kan jou stileertyd halveer.
• ’n Kort elfiesnit is eenvoudig en sjiek.
HARE
Grys hare kan tussen 34 en 44 jaar begin kop uitsteek. Soos jy ouer word, val jou hare uit, en wanneer dit weer uitgroei, is dit grys, want jou liggaam het opgehou melanien vervaardig. As jy in jou vroeë 20’s grys word, is dit geneties.
VERSORG DIT SÓ
Grys hare is geneig om ’n bietjie droër te voel as hare met pigment. Dís omdat die talgklier wat aan die wortel van die haar vas is, nie meer genoeg sebum vervaardig nie.
Die haarskag is ook dunner, so die haar is kwesbaar vir die weer, chemikalieë en heat styling. As die haarskag verswak is, verloor die haar ook vog en is dit geneig tot droogheid. Die haar kan ook fyner voel, daarom is
ekstra voeding noodsaaklik.
VERRUIL JOU PRODUKTE VIR DIÉ
• Deep moisturising sjampoe en conditioner sal sorg dat jou hare gehidreer bly. (Omdat grys hare dikwels vuilheid gouer wys, sal gereelde was nie die vogvlakke uitput nie.)
• Silikoonserum maak die hare glad en hou die vog binne.
• Voedende kopvelmasker hou die hare bevog en sag.
• Minder hitte aan jou hare voorkom dat dit uitdroog.
• Argan-olie en hot oil treatments herstel beskadigde en droë hare, en voed die hare diep. Argan-olie het vele voordele. Dis ryk aan antioksidante, wat hare teen omgewingstres en heat styling beskerm. Dis ook bevogtigend.