SÓ MAAK JY MET . . .
Gaan na web.whatsapp.com op jou rekenaar, gebruik jou kind se WhatsAppapp op hul toestel en skandeer dan die QR-kode op jou rekenaar daarmee. Dit gee jou toegang tot hul WhatsAppboodskappe. Sê vir hulle jy kan die boodskappe sien en wees eerlik oor hoekom jy dit monitor. Verduidelik hoe hulle lastige mense op dié app kan block.
SOSIALE MEDIA
Verstel die sekuriteit-settings van jou kind se profiel op elke platform sodat slegs familielede en vriende hul inskrywings, foto’s en aktiwiteite kan sien. Sorg dat die settings só ingestel is dat dit nooit die ligging van hul foon sal deel nie. Gebruik die Family Link-app om hul sosiale mediagebruik te monitor en tydgleuwe vir verskillende sosiale mediaplatforms in te stel.
YOUTUBE
Dié videodiens verbied wel naaktheid, maar kinders kan nog steeds aan suggestiewe video’s blootgestel word.
Ouers kan onder YouTube se settings op hul kinders se toestelle en met die Family Link-app maatreëls instel om te verseker dat hul kinders nie inhoud vir volwassenes daarop teëkom nie. En vir jonger kinders is daar YouTube Kids, ’n kindervriendelike weergawe van YouTube, wat ouers op hul kind se toestel kan aflaai.
Om te keer dat kinders onvanpaste dinge op Google soek of vind, kan jy op die Google Play-app ingaan, op die profiel-ikoon klik en dan weer op“Settings”, dan“Family”en daarna“Parental Controls”. Hier kan jy ouerbeheer aanskakel en volwasse inhoud op jou kind se foon block en filtreer tot dít wat volgens jou geskik is.
STROOMDIENSTE
Disney+, Netflix en Prime Video het elk ’n kinderprofiel met gepaste inhoud. Jy kan ook jou kind se kykgeskiedenis nagaan om te monitor wat hulle gestream het.
SPELETJIES
Hou ’n oog op die chat-funksie in jou kind se speletjies om te sien watter tipe dinge daar gesê word, en maak seker jou kredietkaartbesonderhede is nie aan enige speletjie gekoppel nie, om te verhoed dat jou kind onbeperk aankope kan doen.