Groenertjie-falafel met hummus en Turkse slaai
Falafel is ’n gewilde Midde-Oosterse happie wat tradisioneel van kekerertjies gemaak word, maar Steve se weergawe, waarvoor hy droë groenertjies gebruik, het nie net ’n heerlike ligte tekstuur en mooi kleur nie, maar is ook baie goedkoper om te maak.
Falafel 1 sak (500 g) droë groenertjies, vir 24 uur in water geweek 1 groot ui 1 groot wortel 4 knoffelhuisies Hand vol elk pietersielie, koljanderblare en vars kruisement 10 ml elk gemaalde koljander, komyn, paprika, kaneel en koeksoda 1 eier 30 ml koekmeel Sout en varsgemaalde swartpeper Olie, vir braai
Hummus 1 blik (410 g) kekerertjies, gedreineer en afgespoel 10 ml elk komyn en paprika 2 knoffelhuisies 45-60 ml tahini (sesamsaadpasta) Sap van 2 suurlemoene Water en olyfolie
Turkse slaai 2 komkommers 4 radyse 10 kersietamaties 1 rooi-ui Hand vol elk vars kruisement, pietersielie en dille Olyfolie, suurlemoensap, sout en peper na smaak
Slaaisous 30 ml tahini Sap van 3 suurlemoene Water Sout en fyn swartpeper na smaak
Falafel: Verwerk die geweekte, gedreineerde ertjies, ui, wortel, knoffel en kruie in ’n voedselverwerker tot fyn. Voeg die speserye, koeksoda, eier en koekmeel by en pols tot redelik glad. Geur met sout en peper. ( Die falafelmengsel moet die tekstuur van nat seesand hê en sy vorm behou as jy dit bymekaardruk.) Braai teelepels vol van die mengsel in warm olie tot goudbruin en bros. Dreineer op kombuispapier en hou warm.
Hummus: Verhit die gedreineerde kekerertjies in ’n koppie skoon water tot kookpunt saam met die speserye en knoffel. Gooi dit deur ’ n sif en sit dan die kekerertjies en knoffel in ’n voedselverwerker. Geur na smaak en pols tot glad. Voeg die tahini en suurlemoensap by, asook ’n bietjie olyfolie. Pols verder tot glad en romerig. (Hummus moet smeerbaar wees en nie te dik nie. As jy dit wil verdun, voeg ’n bietjie warm water, pleks van olie, by. Te veel olie kan hummus te ryk en olierig maak.)