Meellose sjokoladekoek met geroosterde pruime

Hierdie dekadente koek móét jy op die proef stel. Die veerligte tekstuur en intense sjokoladegeur is werklik iets besonders.

Sjokoladekoek 350 g donker sjokolade van goeie gehalte 250 ml espresso (of baie sterk koffie) 200 g botter 2 ekstragroot eiers 240 ml bruinsuiker

Pruime 6 pruime ’n Paar kaneelstokke en steranys Knippie vinkelsaad 250 ml suiker 250 ml port

Vir die koek: Voorverhit die oond tot 180 °C en voer ’n gesmeerde losboomkoekpan van 20 cm met waspapier uit. Sit die pan op ’n groot, dubbele vel dik foelie neer en maak dit goed daarin toe, sodat daar geen beslag op die pan kan uitlek nie. Smelt die sjokolade, espresso en botter oor lae hitte saam tot glad. Klits die eiers en suiker baie goed saam tot dit dik en baie lig is. Vou die sjokolademengsel versigtig by die eiermengsel in en giet in die voorbereide pan. Sit die pan in ’n groter oondbak en giet kookwater in die bak tot dit halfpad teen die pan opkom. Bak vir ongeveer 45 minute tot ’n toetspen amper skoon uit die middel van die koek kom (daar moet nog ’n paar sjokoladekrummels aan kleef, maar nie pap beslag nie). Haal die pan uit die warmwaterbad en laat die koek vir ’n paar uur in die pan afkoel. Lig die koek versigtig uit die pan op ’n koekbord en sif kakao oor.

Vir die pruime: Voorverhit die oond tot 200 ° C. Halveer en ontpit die pruime. Sprinkel die speserye in ’ n oondvaste bak en pak die pruime (gesnyde kante na onder) op die speserye. Meng die suiker en port en giet oor. Oondrooster vir 1015 minute tot die pruime se vel begin verrimpel. Draai die pruime versigtig om en laat dit in die stroop afkoel. Skep die pruime uit en giet die panvloeistof deur ’n sif in ’n klein kastrolletjie. Kook die vloeistof af om ’n ligte stroop te vorm en laat dit afkoel tot kamertemperatuur. Sit snye van die koek voor met ’n paar pruime, ’n lepel crème fraîche en ’n bietjie van die sous. Lewer sowat 10 porsies.