MARLENE DU TOIT
Alles. Dit laat my terugdink aan my sorgvrye kinderdae. Ouma se warm kombuis. Stroopdrup-kraakbytkoeksisters. Mosbolletjies met dikgesmeerde plaasbotter waarin jou tande wegsink. Melktert en Hertzoggies. En natuurlik ’n kan boeretroos aan die sing op die Aga . . . Ai. Nou verlang ek ver. MARIAAN HARTMAN Beslis mosbolletjies! As ons vir my ouers gaan kuier het en jy hou buite stil, kry jy die reuk van mosbolletjies wat uit die kombuis kom. Ek mis vandag daardie reuk. Ons was versot daarop. Die hele huis het daarna geruik. Dit is as die reuk van ’n plaaskombuis in my brein en smaakkliere ingeplant. Tot vandag toe verbind ek dit met plaas! Dol daaroor. ZELDA HENDRIK TOLSMA Beslis koeksisters! Veral as hulle bros is en drup van die sous! PIETER OPPERMAN My ouma Suzie het die lekkerste Hertzoggies ooit in haar Aga gebak. CARIEN NIENABER SENEKAL Sjoe, hoe kies ’n mens? ’n Lekker souserige koeksister! Maar warm mosbolletjies wat Ma gebak het met botter wat so smelt, bly maar altyd ook ’n wenner. KOTIE VAN DE VENTER Oe! Beslis koeksisters en Hertzoggies! My gunsteling! GUS NELL Melktert! Lekker – warm of koud.