Lepelsteeltjies

500 ml koekmeelblom 2 ml sout 1 ml bakpoeier 625 ml fyngerasperde cheddarkaas 250 g botter of margarien, teen kamertemperatuur 60 ml fyn appelkooskonfyt

Voorverhit die oond tot 200 °C. Sif die meel, sout en bakpoeier saam. Voeg die kaas by en meng. Voeg die botter of margarien by en meng tot ’n deeg vorm. Rol okkerneutgroot- te balletjies en plaas dit in die holtes van klein kolwyntjiepanne. Druk ’n gaatjie met die steel van ’n houtlepel in elke balletjie, maar moenie dit dwarsdeur die deeg druk nie. Skep ’n mespuntjie konfyt in elke holte. Bak die koekies sowat 15 minute lank. Laat hulle op ’n draadrak afkoel en bewaar in ’n lugdigte houer. Net voor bediening kan die gaatjies met nog ’n bietjie konfyt gevul word. Lewer 60 koekies.