AfriBeef lei van voor
Beesvleis is so deel van Suid-Afrika se voedselherkoms as rooibostee en koeksisters. Inheemse beesrasse, soos die Afrikaner, is Suid-Afrika se erfenis vir meer as net voedselsekerheid. Dis lékker! Lees hier hoe dié ras se eie handelsmerk nou naam maak.
Met die registrasie van die AfriBeefhandelsmerk het die Afrikaner-bees telersgenootskap seker gemaak verbruikers wéét watter gehalte en tipe beesvleis hulle koop.
Danksy die streng gehalte keuringsproses gee AfriBeef verbruikers’ n belofte van murg sagte en geurige vleis wat op ’n volhoubare manier voorsien word. Die naspeurbaarheid van hierdie vleis gee ook verdere gemoedsrus.
Tans is hierdie Afrikaner beesvleis nog net by eksklusiewe vleisdeli’s en uitgesoekte restaurante beskikbaar, maar met die toenemende gewildheid daarvan lyk die toekoms rooskleurig.
Let’s Meat, een van die topverskaffers aan gewilde restaurante in Suid-Afrika en ander lande in Afrika, is deurlopend op soek na vleis van die beste gehalte. Afrikanerbees vleise n die AfriBeef-handelsmerk se deurlopende gehalte waarborg is daarom besonder aanloklik vir Let’s Meat.
“Wanneer ek met enige voornemende kliënt konsulteer, is een van die eerste vrae wat ek gevra word oor gehalte,” sê Johan Pienaar van Let’s Meat.
“Kliënte wil dikwels weet hoekom daar nooit deurlopend vleis van goeie gehalte gelewer kan word as die meeste van die vleis dan klas A is nie.
“My antwoord is al vir die afgelope ses jaar dieselfde: Omdat daar nooit net een beesras se vleis beskikbaar is nie en nie alle rasse vleis van dieselfde gehalte lewer nie.”
Met AfriBeef se ingeboude gehaltebestuur en slegs die gebruik van Afrikanerbeeste is hierdie raaispel in die soeke na vleis van goeie gehalte uitgeskakel.
Boonop het wetenskaplike navorsing deur die Landbou navorsingsraad( L NR) bevestig dat die Afrikanerbees een van die beste vleisbeesrasse is.
LEK JOU LIPPE AF Maar wat maak een ras se vleis beter as ’n ander s’n? “Een van die belangrikste eienskappe wat bepaal of vleis van goeie gehalte is, is die sagtheid daarvan. AfriBeef is in hierdie geval van die beste omdat die Afrikanerbees van alle vleisbeesrasse die hoogste voorkoms van die dubbel sagtheid s geen in sy vleis teenwoordig het ,” verduidelik Johan.
’n Verdere bonus is dat hierdie vleis regstreeks van die veld af gelewer word. Veldvleis se voordele is goed gedokumenteer en sluit die volgende in: • Fyn tekstuur. • Volle naspeurbaarheid — van die boer
tot die bord. •Gesertifiseerde Afrikanerbees
teelmateriaal. • Hoë vlakke van omega 3- en omega 6
vetsure in die regte verhouding. • Lae vlakke van LDL-cholesterol
(die skadelike een). • Geen bykomende hormone, antibiotika of dierlike byprodukte word gebruik nie. • Minder kalorieë vergeleke met
voerkraalvleis.
SMAAKLIK EN GESOND Derhalwe word twee van die grootste bekommernisse van verbruikers met hierdie handelsmerk getakel: Sagtheid en ’n deurlopende waarborg van vleis van goeie gehalte.
“Afgesien van bogenoemde voordele, is dit ook die lekkerste en geurigste beesvleis wat ek nóg getoets het, en ek het al baie beesvleis geëet!” sê Johan.
Die AfriBeef-naam se gehaltewaarborg het homself reeds só ver vooruit geloop dat een van Suider-Afrika se bekendste ketting winkelgroepe reeds die produk verkoop. Daar is ook groot belangstelling om die vleis na die Verenigde Arabiese Emirate en ander lande uit te voer.
“Ons as vleiskundiges is baie opgewonde hieroor. Ons glo nog altyd dat Suid-Afrika vir geen land in die wêreld hoef terug te staan om beesvleis van die beste gehalte te produseer nie. Afrikaner beesvleis onder die AfriBeef-handelsmerk het dit finaal bewys.
“Daar is nie ’n beter ras om ons die toekoms in te neem met die beste gehalte vleis wat wêreldwyd versprei en verkoop kan word nie. Ons is trots dat dit die Afrikaner, Suid-Afrika se oudste, gehardste en suiwerste inheemse beesras, is wat ons na ’n blink toekoms lei,” sê Johan.