Klewerige varkboudrepe

’n Marinade met iets souts, soets en suurs en ’n titseltjie gemmer of mosterd daarby is altyd nommerpas vir varkvleis.

Marinade 30 ml donker sojasous 30 ml gladde appelkooskonfyt 30 ml appelasyn 1 knoffelbol, middeldeur gesny en huisies uitgedruk 3 cm-stuk vars gemmer, geskil en fyn gerasper 125 ml water

8 varkboudrepe

Voorverhit die oond tot 140 °C. Meng ál die bestanddele vir die marinade saam. Pak die repe varkboud in ’n enkellaag in ’n oondbak en gooi die marinade oor. Bedek met dik foelie en bak vir 1-2 uur tot sag. Haal die foelie af, verhoog die oondtemperatuur tot 190 °C en bak verder tot die sous begin karamelliseer. Sit voor met romerige kapokaartappels, koeskoes of rys en groente of slaai. Lewer 4 porsies.

BLOKKIES Dis somer en die reuk van braaivleisvure vul die lug. Met varkvleisblokkies kan jy in ’n kits liplekker varkvleissosaties maak, of dit natuurlik in potjiekos gebruik. Gesond, geurig en almal se gunsteling.