Klewerige skaapstertjies

1 kg skaapstertjies

Marinade Sap van 1 suurlemoen 60 ml olyfolie 30 ml worcestersous 15 ml gladde appelkooskonfyt 45 ml bruinasyn Sout en varsgemaalde swartpeper na smaak 5 ml gemaalde koljander

Sit die skaapstertjies in ’n pot met ligte soutwater. Verhit tot kookpunt en prut tot die skaapstertjies sag is. Dreineer die skaapstertjies en skep dit in ’n oondbak wat groot genoeg is dat die stertjies in ’n enkellaag daarin kan lê. Meng die suurlemoensap, olyfolie, worcestersous, appelkooskonfyt en asyn en giet dit oor die skaapstertjies. Geur die stertjies met sout en peper en sprinkel die koljander oor. Voorverhit die oond tot 200 °C. Bak die skaapstertjies in die marinade tot die vleis goudbruin en die sous afgekook en klewerig is. Skep uit en sit dadelik voor. (Onthou ’n paar jammerlappies vir taai vingers – ’n mens kan nie skaapstertjies met iets anders as jou hande eet nie.) Lewer 4 porsies.