Hoendersosaties met byt

6 groot hoenderborsies, sonder vel of been

Marinade 3 knoffelhuisies 5 ml geroosterde komyn 7 ml gerookte paprika Fyngerasperde skil en sap van 1 suurlemoen 2 rooi brandrissies, baie fyn gekap 60 ml olyfolie

Knippie sout 2 ml vars gemaalde swartpeper

Sny die hoender in blokkies en gooi in ’n niemetaalbak. Meng ál die bestanddele vir die marinade saam en giet oor die hoender. Meng goed deur, bedek met kleefplastiek en verkoel vir minstens 2 uur. Ryg die gemarineerde hoenderblokkies op sosatiestokkies en braai dit oor die kole of in ’n riffelpan vir ongeveer 8-10 minute tot deurgaar. Draai nou en dan om en bestryk die sosaties met die orige marinade terwyl jy dit gaarmaak. Druk ’n bietjie vars suurlemoen daaroor uit sodra dit gaar is en sit dadelik voor met tzatziki, braaibroodjies en slaai, of groente van jou keuse. Lewer 4-6 porsies.