Groenboonslaai met gemmervinaigrette
By ’n braai waar daar ’n paar soorte vleis voorgesit word, het jy ’n slaai of bygereg met vars smake nodig. Dié eenvoudige slaai pas by enige soort vleis of vis. Die grenadella-en-gemmer-slaaisous en die groenbone pas perfek by mekaar.
3 hande vol jong groenbone, punte afgesny Sap van 2 groot suurlemoene 3 cm vars gemmer, fyn gerasper 100 ml olyfolie Pulp van 2 ryp grenadellas Skeut appelasyn Sout en vars gemaalde swartpeper na smaak 300 g slaaiblare en kruie (ons het botterslaai, roket en bronkors gebruik)
Verhit ’n groot pot met ligte soutwater tot dit vinnig kook. Sit die bone daarin en kook vir 2-3 minute tot net-net gaar, maar nog bros. Terwyl die bone kook, klits die suurlemoensap, gemmer, olie, grenadellapulp en asyn saam. Geur na smaak met sout en peper en giet dit in ’n slaaibak.