Speseryharte

Pas die resep vir Martie se tradisionele koeksisters op bl. 99 soos hieronder aan.

Stroop: Pleks van suurlemoen kan jy die harte ’n speserygeur gee deur die aangewese 1 liter water te gebruik, maar die volgende in die strooppot te gooi:

3 cm-stuk gemmerwortel, geskil en gehalveer 3 kaneelstokke 1 vanieljepeul, saadjies uitgeskraap (voeg saadjies en peul by)

Deeg: Volg die resep soos vir tradisionele koeksisters, maar wanneer jy die deeg uitgerol het (ook 1 cm dik), druk hartjies met ’n klein koekiedrukker uit. Braai en dompel die hartjies soos jy met tradisionele koeksisters sal maak.